‌كل عيد ~ وفرحكم يزيد

على كثر اتصالات الخلايق في صباح العيد
انا والله ماكنت اتحرى غير جوالك
.
.
تحريت اتصالك انت يالغالي وبالتحديد
لان العيد ما اظنه يجي وما جيت في بالك
.
.
تصوّر كيف مر العيد من تنكيد في تنكيد
وانا ماغير اهوجس بك وانادي واتحرالك
.
.
وجوالي غدى مثلي تنهد واكثر التنهيد
يقول: ابطى عليك وقلت: العلّه ارسالك
.
.
وقمت اكذب على نفسي واقول بصيغه التاكيد
اكيد الحين بتكلم وانا ادري ماطرينا لك
.
.
على مايبدو اني كنت عن بالك بعيد بعيد
حرام ارجوك صدقني انا ما استاهل افعالك
.
.
انا ملكك وانا دايم على ماتشتهي وتريد
انا وياك تعرفنا كما المملوك والمالك
.
.
.
.
واذا غايتك تذبحني فما انت بحروة التأييد
توكل وانت تلقاني متى ما تنوي إقبالك
.
.
ولكن لا تعودني على الفرقا ونار البيد
انا عايش على خبرك نعيم وجنة وصالك
.
.
جفاك اليوم قيّدني تعال وفك هذا القيد
كلّمني وعايدني وقلي انت وش حالك ؟
.
.
يا ليت العذر "فاتوره" عليك بحجة التسديد
اخاف العذر هي قولة:نسيته رقم جوالك

مشكوورااا
على القصيده
حبك في قلبي